گندم  موزوں آ ب و ہوا اور زمین 

گندم کی بہتر پیداوار کے لئے اچھے نکاس والی بھاری میرا سے ہلکی میرا زمینیں جس میں نامیاتی مادہ  موجود ہو موزوں ہوتی ہیں۔ گندم خشک اور سرد موسم کی فصل ہے جس کو اگاؤ کے لئے کم سے کم چھ اور زیادہ سے زیادہ بیس سینٹی گریڈ درجہ حرارت کی ضرورت ہوتی ہے۔ 

گندم زمین کی تیاری اور شرح بیج

گندم کی کاشت کے لئے مون سون کی بارشوں کے دوران کھیت میں گہرا ہل (راجا ہل ) چلائیں تاکہ زمین گہرائی تک بھربھری تیار ہو جائے۔ پھر سہاگہ سے کھیت کو اچھی طرح ہموار کر لیں۔ ایسا کرنے سے کھیت میں پانی اور کھاد کی تقسیم یکساں ہوتی ہے۔ کاشت سے دو تین دن پہلے صبح یا شام کے وقت بھاری میرا زمینوں میں دوہرا ہل چلا کر سہاگہ دیں. تاکہ زمین میں موجود وتر اوپر آجائے اور جڑی بوٹیاں تلف ہو جائیں۔ اگر زمین ہلکی اور ریتلی ہو تو ایک بار ہل چلانا کافی ہے۔ گندم کی فصل میں کاشت سے ہفتہ دس دن قبل ایک یا دو مرتبہ عام ہل اور ایک مرتبہ سہا گہ چلاکر زمین کو یونہی چھوڑ دیں۔ چھ سات دن میں جڑی بوٹیاں اُگ آئیں گی زمین کی آخری تیاری کے دوران ہل چلانے کر تلف کر دیں۔

 گندم  وقت اور طریقہ کاشت 

بارانی علاقوں میں گندم کا وقت کاشت بیس اکتوبر تا بیس نومبر ہے۔ کاشت سے پہلے گندم کے بیج کو زہر آلودہ کرنے سے گندم کی فصل کو مختلف بیماریوں مثلا کانگیاری ، کرنل بلاسٹ،  اکھیڑا وغیرہ محفوظ رہتی ہے۔ اسلیئے کاشت سے ہفتہ پہلے گندم کے بیج کو تھائیوفینیٹ میتھائل بحساب دو تا اڑھائی گرام یا ٹیبوکونازول + امیڈاکلوپرڈ بحساب دو ملی لیٹرفی کلوگرام بیج یا تھائیومیتھوکزم سفارش کردہ مقدار میں لگائیں۔ 

بارانی علاقوں میں گندم کی کاشت کا بہترین طریقہ بذریعہ کیرا ، پورا یا ربیع ڈرل یا کم فاصلے والی کولٹر ڈرل ہے۔ ربیع ڈرل کی صورت میںقطاروں کا درمیانی فاصلہ نو انچ اور کولٹر ڈرل کی صورت میں چھانچ رکھا جاتا ہے۔ بیج کو ڈیڑھ تا دو انچ گہرائی میں کھاد کے ساتھ ڈرل کیا جاتا ہے۔ ڈرل کرتے وقت اس بات کا خیال رکھیں کہ بیج بہت گہرائی تک نہ جائے ورنہ بیج دیر سے اگتا ہے اور زیادہ شگوفے نہیں بنتے- جس سے فصل کمزور رہ جاتی ہے اور پیداوار میں کمی ہوتی ہے۔ بارانی علاقوں میں ڈرل کے طریقے کو چھٹے کے طریقے پر ترجیح دیی جاتی ہے۔ چھٹے سے کاشت کی صورت میں پودوں کی فی ایکڑ مطلوبہ تعداد (آٹھ لاکھ سے دس لاکھ ) حاصل نہیں ہوتی اور پیداوار کم ملتی ہے۔

کھادیں بوقت کاشت 

بوقت کاشت یا زمین کی تیاری کے دوران کھیت میں کھاد کی سفارش کردہ مقدارفی ایکڑ ڈالیں