معلومات 
ڈائریکٹری
اشتہارات
کمپنیاں
مکئی کی فصل کو پانی لگاتے وقت موسمی حالات مدنظر رکھنا چاہیئے۔
مکئی کاشت کرنے سے پہلے کھیت کا لیبارٹری سے زمینی تجزیہ ضرور کروانا چاہیئے۔
آبپاشی
مکئی کی فصل کو پانی لگاتے وقت موسمی حالات، زمین کی قسم اور فصل کی بڑھوتری کو مدنظرضرور رکھنا چاہیئے۔ مکئی کی بہاریہ کاشت فصل کو بارہ سے چودہ جبکہ خریف میں کاشت فصل کو دس سے بارہ دفعہ آبپاشی کرنی پڑتی ہے۔ اگر مکئی کی فصل ہموار کھیت میں کاشت کی گئی ہو تو پہلا پانی بیج کے اگاؤ کے دس سے بارہ دن بعد لگایا جاتا ہے۔ جبکہ وٹوں پر کاشت مکئی کو اگاؤ تک وتر میں رکھا جاتا ہے۔ پھول آنے اور دانے بننے کی حالت میں مکئی کی فصل کو سوکا نہی آنے دینا چاہیئے۔ شدید گرمی میں پانی کا وقفہ چار سے پانچ دن کردینا چاہیئے۔ جبکہ درجہ حرارت میں کمی کے ساتھ پانی کا وقفہ بھی بڑھا دینا چاہیئے۔ بارش کے بعد زائد پانی کھیت سے فوراً نکال دینا چاہیئے۔
کھاد
مکئی کاشت کرنے سے پہلے کھیت کا لیبارٹری سے زمینی تجزیہ ضرور کروانا چاہیئے۔ تاکہ کھادوں کی درست درکار مقدار کا بہترین اندازہ لگایا جاسکے۔ مکئی کی بوائی سے ایک ماہ پہلے دس سے بارہ ٹن یعنی تین سے چار ٹرالیاں گوبر کی گلی سڑی کھاد فی ایکڑ کھیت میں اچھی طرح ملانی چاہیئے۔ اس سے زمین کی زرخیزی اور پیداوارمیں بہتری آتی ہے۔ زمین کا تجزیہ کروانے کے بعد اگرزنک کی کمی کی صورت میں اکیس فیصد زنک سلفیٹ بحساب دس کلوگرام یا تینتیس فیصد زنک سلفیٹ بحساب چھ کلوگرام فی ایکڑ اوی بوران کی کمی کی صورت میں تین کلو گرام بوریکس (گیارہ فیصد بوران) فی ایکڑ بوائی کے وقت ضرور ڈالیں۔ اس کے علاوہ دستیاب پانی کے معیار، پچھلی کاشت کی گئی فصل اور کاشت کی جانے والی مکئی کی قسم کے لحاظ سے کھادوں کا استعمال کرنا چاہیئے۔ بوائی کے وقت ڈالی جانے والی کھادیں کھیلیاں بنانے سے قبل ڈالنی چاہیئے۔
آبپاش علاقوں میں مکئی کی عام اقسام کیلئے کھادیں
کمزور زمین
درکارغذائی اجزاء فی ایکڑ: نائڑوجن بانوے کلوگرام، فاسفورس اٹھاون کلوگرام ، پوٹاش سینتیس کلوگرام۔
مقدار بوریوں میں فی ایکڑ: اڑھائی بوری ڈی اے پی پلس ڈیڑھ بوری ایس او پی یا ساڑے چھ بوری سنگل سپر فاسفیٹ (اٹھارہ فیصد) پلس ڈیڑھ بوری ایس او پی پلس ایک بوری یوریا بوقت بوائی، ایک بوری یوریا تین سےچھ پتے نکلنے پر، ایک بوری یوریا آٹھ سے دس پتے نکلنے پر، ایک بوری یوریا پھول آنے سے تقریباً دو ہفتے پہلے۔
درمیانی زمین
درکارغذائی اجزاء فی ایکڑ: نائڑوجن اسی کلوگرام، فاسفورس چھیالیس کلوگرام ، پوٹاش سینتیس کلوگرام۔
مقدار بوریوں میں فی ایکڑ: دو بوری ڈی اے پی پلس ڈیڑھ بوری ایس او پی یا ساڑے پانچ بوری سنگل سپر فاسفیٹ (اٹھارہ فیصد) پلس ڈیڑھ بوری ایس او پی پلس پونی بوری یوریا بوقت بوائی، ایک بوری یوریا تین سےچھ پتے نکلنے پر، ایک بوری یوریا آٹھ سے دس پتے نکلنے پر، پونی بوری یوریا پھول آنے سے تقریباً دو ہفتے پہلے۔
زرخیززمین
درکارغذائی اجزاء فی ایکڑ: نائڑوجن ستر کلوگرام، فاسفورس پینتیس کلوگرام ، پوٹاش پچیس کلوگرام۔
مقدار بوریوں میں فی ایکڑ: ڈیڑھ بوری ڈی اے پی پلس ایک بوری ایس او پی یا چاربوری سنگل سپر فاسفیٹ (اٹھارہ فیصد) پلس ایک بوری ایس او پی پلس آدھی بوری یوریا بوقت بوائی، ایک بوری یوریا تین سےچھ پتے نکلنے پر، پونی بوری یوریا آٹھ سے دس پتے نکلنے پر، پونی بوری یوریا پھول آنے سے تقریباً دو ہفتے پہلے۔
آبپاش علاقوں میں مکئی کی ہائبرڈ قسام کیلئے کھادیں
کمزور زمین
درکارغذائی اجزاء فی ایکڑ: نائڑوجن ایک سو اُنیس کلوگرام، فاسفورس اُنہترکلوگرام ، پوٹاش پچاس کلوگرام۔
مقدار بوریوں میں فی ایکڑ: تین بوری ڈی اے پی پلس دوبوری ایس او پی پلس ایک چوتھائی بوری یوریا یا ساڑے سات بوری سنگل سپر فاسفیٹ (اٹھارہ فیصد) پلس دوبوری ایس او پی پلس ڈیڑھ بوری یوریا بوقت بوائی، سوا بوری یوریا تین سےچھ پتے نکلنے پر، سوا بوری یوریا آٹھ سے دس پتے نکلنے پر، سوا بوری یوریا پھول آنے سے تقریباً دو ہفتے پہلے۔
درمیانی زمین
درکارغذائی اجزاء فی ایکڑ: نائڑوجن بانوے کلوگرام، فاسفورس اٹھاون کلوگرام ، پوٹاش سینتیس کلوگرام۔
مقدار بوریوں میں فی ایکڑ: اڑھائی بوری ڈی اے پی پلس ڈیڑھ بوری ایس او پی یا ساڑے چھ بوری سنگل سپر فاسفیٹ (اٹھارہ فیصد) پلس ڈیڑھ بوری ایس او پی پلس ایک بوری یوریا بوقت بوائی، ایک بوری یوریا تین سےچھ پتے نکلنے پر، ایک بوری یوریا آٹھ سے دس پتے نکلنے پر، ایک بوری یوریا پھول آنے سے تقریباً دو ہفتے پہلے۔
زرخیززمین
درکارغذائی اجزاء فی ایکڑ: نائڑوجن پچھتر کلوگرام، فاسفورس چھیالیس کلوگرام ، پوٹاش پچیس کلوگرام۔
مقدار بوریوں میں فی ایکڑ: دوبوری ڈی اے پی پلس ایک بوری ایس او پی یا پانچ بوری سنگل سپر فاسفیٹ (اٹھارہ فیصد) پلس ایک بوری ایس او پی پلس پونی بوری یوریا بوقت بوائی، ایک بوری یوریا تین سےچھ پتے نکلنے پر، پونی بوری یوریا آٹھ سے دس پتے نکلنے پر، پونی بوری یوریا پھول آنے سے تقریباً دو ہفتے پہلے۔
بارانی علاقوں میں مکئی کی عام اقسام کیلئے کھادیں
کم بارش والے علاقے
درکارغذائی اجزاء فی ایکڑ: نائڑوجن چوبیس کلوگرام، فاسفورس تئیس کلوگرام ، پوٹاش بارہ کلوگرام۔
مقدار بوریوں میں فی ایکڑ: ایک بوری ڈی اے پی پلس آدھی بوری ایس او پی پلس دو بوری امونیم نائڑیٹ یا ایک بوری ڈی اے پی پلس آدھی بوری ایس او پی پلس ایک بوری یوریا یا اڑھائی بوری سنگل سپر فاسفیٹ (اٹھارہ فیصد) پلس آدھی بوری ایس او پی پلس ڈیڑھ بوری بوری یوریا ۔ تمام کھادیں بوائی کے وقت ڈالیں۔
زیادہ بارش والے علاقے
درکارغذائی اجزاء فی ایکڑ: نائڑوجن چھیالیس کلوگرام، فاسفورس چونتیس کلوگرام ، پوٹاش پچیس کلوگرام۔
مقدار بوریوں میں فی ایکڑ: ڈیڑھ بوری ڈی اے پی پلس یاک بوری ایس او پی پلس اڑھائی بوری امونیم نائڑیٹ یا ڈیڑھ بوری ڈی اے پی پلس ایک بوری ایس او پی پلس ڈیڑھ بوری یوریا یا چاربوری سنگل سپر فاسفیٹ (اٹھارہ فیصد) پلس ایک بوری ایس او پی پلس دوبوری بوری یوریا۔ تمام کھادیں بوائی کے وقت ڈالیں۔
مکئی غذائی عناصر کی کمی کی پہچان
نائٹروجن
نائٹروجن کی کمی سے مکئی کے پودوں کی بڑھوتری رک جاتی ہے۔ پتوں کا رنگ پہلے پیلا اور بعد میں بھورا ہو جاتا ہے۔ نائٹروجن کی کمی سے پرانے پتے زیادہ متاثر ہوتے ہیں لیکن آہستہ آہستہ علامات نئے پتوں پر بھی نظر آنا شروع ہو جاتی ہیں۔ پتوں میں پیلاہٹ نوکدار سرے سے شروع ہوکر چوڑے حصے کی طرف جاتی ہے۔
فاسفورس
فاسفورس کی کمی مکئی کے پودوں کے جڑوں کے نطام کو متاثر کرتی ہے۔ جڑیں کمزورہو جاتی ہیں اور پودوں کی بڑھوتری رک جاتی ہے۔ فاسفورس کی کمی سے پتوں کے نوکدار سرے ارغوانی رنگ کے ہوجاتے ہیں اور پتے گہرے سبز نظر آتے ہیں۔
پوٹاش
پوٹاش کی کمی کی صورت میں مکئی کے پتوں پر سفید نشان پڑ جاتے ہیں جو بعد میں بھورے ہوجاتے ہیں۔
ref: Directorate of Agriculture Information Government of The Punjab
